mymer deurmekaar

het nie meer ‘n glimlag vir more
more is gister
en gister was grys

geen glimlag vir more
more is doelloos
gister is soos more

soos papier in jou hand

prent om te kleur
papier om te skeur
frommel my weg in ‘n hoek
maaar my hart bly soek

prent om te kleur
papier om te skeur
bly skeur en skeur
en verkleur

papier geskeur
prent ontkleur

hensopper

vir liefde sal ek hensop
vir liefde sal ek sterf

deur verraad sal ek kwyn
deur jou hand het ek gesterf

2 wette geld

Hoe kan jy my noem rassis
as al wat uit jou mond kom
vol gal en stories is?

Hoe kan jy wegkom met jou streke
want as dit ek was
was ek al agter tralies?

Hoe kan jy so los en vas praat
en mense so opsweep
dat hul ‘n man agter sy eie bakkie sleep?

Hoe kan jy nie ‘n rassis wees
as jy die vure hoog bly stook
met omgedraaide stories?

Hoe kan 2 wette geld
vir presies dieselfde
vir mense wat in die land woon?

Groot bohaai oor ‘n troue

groot bohaai oor bloubloediges
wat trou
mense wat staak eet
ander wat heeltyd daarvan praat
en dit net als om 2 mense
wat hul nie ken

om so bohaai oor bloubloediges
te maak,
rerig dis siek,
kry ‘n lewe

groot bohaai oor bloubloediges
wat trou
mense wat op straat gaan staan
met kameras
en trane wat rol
vir mense wat hul nie ken

om so bohaai oor bloubloediges
te maak,
rerig dis pateties,
kry ‘n lewe

Dankbaar

Mens dink daar is so baie fout
met jou eie lewe
tot jy sien van kinders met outisme
en kanker in hul brein en bloed
en baie ander sulke slegte goed

Mens dink daar is so baie fout
met jou eie lewe
tot jy sien hoe ouers uitgemergel
na siek kinders kyk
probeer om nie op ‘n hoop te sit

Mens dink daar is so baie fout
met jou eie lewe
tot jy sien hoe oumense en kinders
met flenters bakhand vra vir kos
terwyl die regering blinkdik is

Mens dink daar is so baie fout
met jou eie lewe
tot jy sien hoe mooi jou huis vergelyk
met die plakkerskamp op die hoek
met oop vure en gebrande mure

Mens dink daar is so baie fout
met jou eie lewe
tot jy sien hoe bly die petroljoggie ‘n R5 vat
en vroom draf na die volgende blink kar
waarvan hy net kan droom

Plekkie van hul eie

Stadsmense wat smag
vir rusplek by die see
uitgebuit deur kusinwoners
vir net ‘n dag of twee
se slaapplek by die see

Stadsmense wat vakansies ver ry
net om saam dieselfde mense
bietjie langs die see
vir net ‘n dag of twee
bietjie in die see te speel

Stadsmense koop
moeg vir uitbuiting
klein huisies by die see
om bietjie langs die see
vir net ‘n week of twee
uit te span in hul huisie by die see